اللي تجمعه النمله في سنه تلحسه البقره في دقيقه

دعاء الصابرين · #1 06-16-2009

السلام عليكم

منقولة اتمنى تعجبكم

حبوب الضغط منطوله على يميني ..

وحبوب القولون العصبي منطوله على شمالي ... !

كاس عصير رمان ريحته مخيسه ...

وبندول منتهيه صلاحيته منطول في طرف الغرفه !

أقوم الصبح وحلومي كلها عِباره عن ( ألوان خضرا وحمرا ) .. !

أفرح لما أشوف حلمي ( أخضر ) وأقوم من كابوس لونه ( أحمر )

يكدّر علي نومتي على مخدّه مليانه سعابيل قليلة " ملوحه " !

أبشركم اليوم أنا فرحان ... لأني خسرت كل دريهماتي اللي متسلّفها من عيال الحاره ..

وخسرت دراهم الوالد اللي ماخذها قرض وخسرت كمان دراهم أمي اللي موزيتها تحت فرشة الصاله ..

وخسرت دراهم كل الناس اللي وثقوا فيني وتوقعوا أني بكون يوم من الأيام

تاجر يضرب بي المثل الأصفر اللي يقول

( أمش ياولد الحولى ... من قدّك صرت تاجر تركب سدرك آخر موديل ) !

لازم تعرفون وش السالفه بِما أنكم ناس كنتم بتكونون يوم من الأيام ( ضحايا ) مُدمن شاهي ..

لأنه ناوي يسايسكم من بداية أول مشرف أطرش إلى آخر عضو عرج ... !

بصراحه المُدمن ناوي يجمع دريهاتكم ويحطها لكم في ( الأسهم ) ثم إذا جاته الأرباح ..

لعب عليكم وقال لكم بكل براءه (( السوق خانني وأبشركم .. يالله رديت راس مالكم )) ! ..

جعل راسك يكسر قال آمين !

صراحه أنا وضعي صعب وكمان متنيّل بخمسين نيله ...

تعبت وغثيّت عمري وتركت لعب الكوره في عزّ القايله بالشورت الفسفوري ..

كلّه لعيون هالأسهم !

وآخر شي أطلع ( فِنِش ) .. يعني حتى الريال ماألقى !

اليوم السوق ( أحمر ) وكنّه قوطي صلصه دنمركيه !

وبعد ماكنت أنطل خمسمية ريال على راعي البنزين

وأقول له ( عب " فُلّ " وخذ الباقي لك <<< والله الكذّاب )

صرت أمرّ على راعي البنزين وأقول له ( عب بعشره وعطني كرتون فاين عشان أمش فيه خشمي ) !

أمس دق علي واحد في الليل وقال يا ( مُدمن ) نصيحه لاتفوتك الأسهم الصناعيه ..

أدخلها .. قلت متأكد أنت ؟ .. قال أكيد ومصدري ( سالم المنجطل ) ..

قلت والله ونعم بـ ( سالم ) رجّال يجيب العلم ومصادره " تنك "

قصدي حلوه ومزيونه زي " سويّر بنت الأملح ! "

زرقت اليوم الصبح للشاشه وخذت لي خمّة أسهم وحطيت كل سيولتي في السهم ( الأملح )

وفي روايه أنه مُجرم وولد وِحِش وبطّال كمان !

شوي إلا وشوف السهم جاي مجاوب على وجهه وجبهته تحت ... !

أنا معاد أدري .. هو أني أطقّ لي حبّة ( بنادول )

والا آخذ لي حبّة ( مسكّنة قولون أبو سبعين درجه خريفيه ! )

عيوني تدحرجت .. ومعاد صرت أشوف الدنيا إلا ( حمرا ) .. !

السهم أحمر .. وكل شوي ينزل .. وانا زي المهبول أبغى أتلاحق السهم ..

لكن مابليد حيله يابليد ..

وخلي ( سالم ) جعله يطيح من نخلتهم الطويله اللي سادّه مدخل بيتهم ( ينفعك ؟ ) !

جوّالي بعد هالنزول ماصار يوقّف ... !

كل واحد يسأل عن دراهمه .. وأنا قاعد أفكّر ( وش لون أطلع من هالورطه ) ! ..

وياليتني مادخلت في هالأسهم

اللي ماجابت لي إلا الضغط والسكر الناعم والقولون العصبي !

يازين شغلي أوّل .. يوم كنت أشتغل الصبح في محل خُضار ..

وبعد العصر ( آخذ لي كم جوز من الحمام اللي عندي في السطح )

وأروح أبيعه في السوق !

لا سهم طالع ولا سهم نازل ... ولا دوشة راس مقلقله !

أقول .. أنا اشهد أن :

(( اللي تجمعه النمله في سنه .. تلحسه البقره في دقيقه ))

الموضوع الأصلي: اللي تجمعه النمله في سنه تلحسه البقره في دقيقه || الكاتب: دعاء الصابرين || المصدر: منتديات فيفاء نت

أبو محمد · 06-16-2009

موضوع فعلا ً اعجبني
مانقول الا الله يعين النمل على تجاوز الكوابيس الحمر
و كل لحسة بتعليمة
مشكوررررة

دعاء الصابرين · 06-20-2009

حياك الله

شكري لك على تواجدك الدائم وردورك الراقية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الجلد يسمـــــــع حقيقه أثبتها رب العزة والجلال قبل الكنديون	دعاء الصابرين	روعــة الايمان	3	12-17-2009 02:04 PM
متى تحج البقره على قرونها	الريحان	أستراحة المنتدى	8	08-14-2009 06:56 PM
برنامج سهل التعامل مع الفلاش ونتيجته مذهلة مثل اللي اللي بالمثال	الواصل	جديد البرامج	4	08-07-2009 07:25 PM
متى تحج البقره على قرونها	الرااايق	المنتدى العآم	2	02-25-2009 03:42 PM
أصعب 12 دقيقه فى حياة الانسان	أبو نايف	المنتدى العآم	1	11-03-2008 05:38 PM

إعلانات فيفاء نت النصية
ضع إعلانك هنا	ضع إعلانك هنا	شبكة فيفاء نت	ضع إعلانك هنا
دليل مواقع	جديد البرامج	إضع إعلانك هنا	الألعآب الإلكترونية
ضع إعلانك هنا	بوابة فيفاء نت	فيفاء أون لاين

الذين يشاهدون محتوى الموضوع الآن : 1 ( الأعضاء 0 والزوار 1)