ازحف قصيده بالعالم

اسيرالجنوب · #1 07-19-2008

قصييييييييدة زاااااحفة

البارحة جاني من الحب مرسال ,,, من عقب ما بيني وبينه خصيمة

وانا ترى في الحب مانيب فعّال ,,, ولا بعد ولّع بقلبي هشيمه

ولا بعد غنّيت في ساعة وصال ,,, ولا بعد ذقت الفراق وجحيمه

ولا جرى دمعي على الخد همّال ,,, ولابعد جربت مرّ الهزيمة

حتى وردني تالي الليل جوال ,,, وانا على شاهي وبسكوت ديمة

الرقم بايخ لكن الصوت قتّال ,,, كنه مثل صوت المذيعة حليمة

قالت مساء الخير يا طيّب الفال ,,, قلت ارحبي ترحيبةٍ مستديمة

بالعود والصفري ودلة وفنجال ,,, واجبك يا بنت الأصول الكريمة

ردت بضحكة ثم قالت وش الحال؟ ,,, قلت اشهد إن الحال عقبك سقيمة

قالت وهي تضحك بعد مثل الأطفال ,,, وانا بعد كني بدونك يتيمة

من يوم قالتها تزلزلت زلزال ,,, من فجعتي كني مسوي جريمة

قلت ارفعي صوتك ترى مابه ارسال ,,, كذاب لكنّ المصيبة عظيمة

قالت أقول اسمع ترى هرجنا طال ,,, ممكن تصاحبني تراني وسيمة

واسمي الحقيقي أول حروفه الدال ,,, لكن يسمّوني البنات الزعيمة

صحيح أحب الفخفخة واعشق المال ,,, لكن تراني طاهرة مستقيمة

ما عندي امغازل ولا (لعب يهّال) ,,, ما عندي إلا في الشرف والحشيمة

بس الصراحة قلبي لشوفتك مال ,,, واصبحت وحدك جالسٍ في صميمه

فكّر بعقلك واترك القيل والقال ,,, واحذر تطيع اهل العقول العقيمة

وارسل علي الحين خمسمية ريال,,, أشحن بها جوال أختي غنيمة

أو طقم غالي فيه خاتم وسلسال ,,, أروح به في عرس ولاّ عزيمة

قلت الحقيقة مانيب رجل أعمال ,,, ولاني بتاجر والموارد عديمة

أنا الصراحة شبه عطّال بطّال ,,, وعلاقتي بالفقر جداً حميمة

والراتب الله يرحم الحال ما زال ,,, محدود والمصروف ربي عليمه

والدين بالآلاف والبنك شغّال ,,, ياكل فلوسي بالربا والظليمة

والسوق طايح والغلا ضيّق البال ,,, والموت والله صاير اكبر غنيمة

قالت تحمّل بس والحمل ينشال ,,, خلك شديد الباس صلب العزيمة

ياخي تصرّف جعلك اتصير نشّال ,,, أهم شي إن النوايا سليمة

لابد تفهمني على كل الأحوال ,,, ما دمت من أهل العقول الفهيمة

قلت إيه والله فاهم اللي على البال ,,, لكن ترى هذي علينا قديمة

يا بنت هذا صاير اليوم موال ,,, للي تبي تلعب على ابن اللئيمة

يا بنت ما تدرين كم فيه محتال ,,, يلعب على الحبلين وانتي غشيمة

يا بنت كم من جاهلة دمعها سال ,,, من عقب ما جات العواقب وخيمة

والبنت لا اقفى عرضها بيد الأنذال ,,, والله ما يبقى لها أي قيمة

قالت تبي ولاّ فخلّك على جال ,,, مهوب ناقصني نصايح حكيمة

عز الله إنك للأسف منت رجّال ,,, وانك قليل الذوق ما فيك شيمة

يا لعنبو اللي ما يسطّرك بنعال ,,, حتى يعلمك الغزل يا بهيمة

( تفو ) عليك وصكّت الخط في الحال ,,, مدري ( تفو ) هي مدح ولاّ شتيمة

الموضوع الأصلي: ازحف قصيده بالعالم || الكاتب: اسيرالجنوب || المصدر: منتديات فيفاء نت

أبو نواف · 07-19-2008

هههههههههههههههههههه

أما هالقصيدة فهي غير كل القصايد اللي سمعتها أو قريتها

يسلمووووو اسير على القصية الحلوووووووووه

زعلان · 07-20-2008

شكل (الحب)
حرك قريحته 10 متر

دعاء الصابرين · 07-20-2008

ههههههههههه

قصيدة زاااااااحفة وبقووووووة

مشكور أسير الجنوب

دمت بتميز

دروب المحبة · 07-20-2008

هههههههههههههههههههههههههههههههههههههههههههههههههه هههههههههههههههههههههههه

صح السنك قصيده
يااسير الجنوب
حلوه وجمله

الله ياعطيك

الف الف الف

تقبل

تحيات

ابوشلاخ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اليوم تقدر تشوف اى مكان بالعالم مع البرنامج المعجزه مع جوجل ارث	الواصل	جديد البرامج	1	03-18-2009 01:22 PM
توفيت امه فكتب لها قصيده ابكت من لايبكي...	بحر الشوق	بيت القصيد	5	11-16-2008 11:27 PM
قصيده عن العيد لا تفوتكم(أَهْلاً وَسَهْلا بِعِيدِ الْفِطْرِ)	مبدع بلا حدود	بيت القصيد	6	10-02-2008 03:51 AM
أطول اسم بالعالم !	أبو نواف	أستراحة المنتدى	41	07-29-2008 05:49 PM
قصيده غزليه للكمبيوتر	اسيرالجنوب	بيت القصيد	10	07-18-2008 05:15 AM

إعلانات فيفاء نت النصية
ضع إعلانك هنا	ضع إعلانك هنا	شبكة فيفاء نت	ضع إعلانك هنا
دليل مواقع	جديد البرامج	إضع إعلانك هنا	الألعآب الإلكترونية
ضع إعلانك هنا	بوابة فيفاء نت	فيفاء أون لاين

الذين يشاهدون محتوى الموضوع الآن : 1 ( الأعضاء 0 والزوار 1)