كيف تتخلص من القسيمة

اسيرالجنوب · #1 04-03-2009

فى أحد الطرق السريعة ، واحد مسرع فوق اللزوم وقفه

الشرطي على جنب نزل الشرطي ودار بينهم هالحديث‎ :

لشرطي : ممكن رخصة السواقة؟‎

السائق :آسف رخصتي ملغية لأنها أنتهت ولا جددتها‎.

الشرطي : طيب أوراق ملكية السيارة؟‎

السائق : هذي ماهي سيارتي ، أنا سارقها‎ .

الشرطي : تقول السيارة مسروقة ؟‎

السائق : أي نعم ، بس لحظة تذكرت ، أظن أني شفت أوراق ملكية السيارة في درج السيارة لما حطيت مسدسي فيه‎.

الشرطي : معك في درج السيارة مسدس بعد ؟‎

السائق : أي نعم ، حطيته بعد ما قتلت به صاحب السيارة وحطيت جثته في صندوق السيارة‎ .

الشرطي : وفيه جثة معك في السيارة بعد ؟‎

السائق : أي نعم‎.

المسكين الشرطي سمع ها الكلام قام على طول صوب المسدس على السائق وقال له ولا حركة ، وكلم الضابط المناوب حقه وبلغه باللي سمع من السائق وبسرعة جت سيارات الشرطة وحاصروا السيارة ، جاء الضابط وقرب من عند السائق وقال أتأكد أول‎ .

الضابط : ممكن أشوف رخصةالسواقة ؟‎

السائق : أكيد ، تفضل ،وكانت الرخصة سليمة‎.

الضابط : سيارة مين هذي ؟‎

السائق : سيارتي، وهذي أوراق ملكيتها‎.

الضابط : لو سمحت تفتح الدرج بهدوء عشان أشوف إذا كان فيه مسدس؟‎

السائق : بكل تأكيد ، بس ترى ما فيه مسدس ، حتى شوف ما فيه أي شي في الدرج‎.

الضابط : طيب إذا سمحت تفتح صندوق السيارة أبلغوني أنك قلت أن فيه جثة‎.

السائق : ما فيه مشكلة ، الصندوق أنفتح ، ما فيه أي جثة .؟؟‎

الضابط : شيء غريب ، الشرطي اللي وقفك قال أنك قلت له أن ما معك رخصة وسرقت السيارة ومعك في الدرج مسدس وفيه جثة في صندوق السيارة‎ .

السائق : حسبي الله عليه .. .. الكذاب ، أكيد بعد قال لك أني مسرع‎

الموضوع الأصلي: كيف تتخلص من القسيمة || الكاتب: اسيرالجنوب || المصدر: منتديات فيفاء نت

دعاء الصابرين · 04-03-2009

خطيييييييييير

طلع منها زي الشعرهـ من العجييينة

مشكور أسير دمت بتميز

اسيرالجنوب · 04-03-2009

دعاء الصابرين

نورتي الموضوع بمرورك

العبدلي · 04-03-2009

هههههه
والله فكرة خطيرة ... بس خوفي الشرطي يتصرف ويحط في رآسك درزن رصاص ..!

السامر · 04-03-2009

طيب من البدايه ليش يكذب

وين المشكله عشان يكذب على الشرطي ....شكله ضارب عنده الفيووووز

اتوقع الشرطي بيبلغ النقطه الي بعده ويكله منكح صح

شكراً اسير الجنوب يسلموووو

رحـال · 04-03-2009

والله لو اسويها مع شرطي سعودي على طول الدوريات الخاصة

زين اذا ما جابو الـ fbi من امريكا

مشكور يا اسير الجنوب

والله يعين الشعب السعودي من هذي المخلفات والمخالفات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

إعلانات فيفاء نت النصية
ضع إعلانك هنا	ضع إعلانك هنا	شبكة فيفاء نت	ضع إعلانك هنا
دليل مواقع	جديد البرامج	إضع إعلانك هنا	الألعآب الإلكترونية
ضع إعلانك هنا	بوابة فيفاء نت	فيفاء أون لاين

الذين يشاهدون محتوى الموضوع الآن : 1 ( الأعضاء 0 والزوار 1)