كان طيـــبي عيب ومشكلتـــي اوفيت ... امــوت صادق وارفــض اعيــش كذاب

يالليل ماذكر في حياتي تمنيت ... مثل ابتسامه تنتشل قلب منصاب

مليت ورب البيت يالليل مليت ... من الجروح اللي تجيني بلا اسباب

تدري يالليل اني على الجرح غنيت ... غنيت دمعه والصدى ضم الاهداب

تبي الحقيقه والصراحة ترجيت ... فرحه ولكن الزمن بالعطا خاب

يالليل قلي بدنيتي ويش سويت ... حتى الهموم بداخلي تفتح ابواب

ان كان طيبي عيب ومشكلتي اوفيت ... اموت صادق وارفض اعيش كذاب

طبعي كذا من ميزتي ماتخليت ... عندي مبادئ دونها ترخص رقاب

بيني وبينك ياكثر ماتعنيت ... اركض بغرفه مغلقه مالها باب

غرفة وراها فرحتي دونها جيت ... اركانها عتمه ولاحولي احباب

كاس الفراق المر منة تقهويت ... انا اشهد أن الشوق بالليل غلاب

يالليل انا لاشفت ماعفت قفيت ... اقفي ولو خلفي كثيرين الاصحاب

الا جروحي كل مارحت واقفيت ... جتني تحمل صدتي لوم وعتاب

ماذكر ولو مرة بحياتي تهنيت ... اضحك كذا والصدق عن شفتي غاب

صارت دموعي ضيف وعيوني البيت ... ودايم تشوف من المناديل ترحاب

لاشفت شمس الصبح لايديك حنيت ... وفي داخلك حبر القلم بالشقى ذاب

اسريك بحالتي واذا رحت ونيت ... مابي تروح ودمعتي بين الاهداب

اكتب شعوري في ظلامك على ايت ... ونورك ختم قصة عذابي في اب

يالليل قل للصبح اني تمنيت ... بس ابتسامه تنتشل قلب منصاب





اتمنى ان تنال اعجابكم

الموضوع الأصلي: عندي مباديء...دونها ترخص رقاب || الكاتب: ديرتي فيفا || المصدر: منتديات فيفاء نت