تحــية احــترام وتــقدير للــجــميع ....






على بحر المحبة والسوالف عاشق ومعشوق
،،،،،،،،،،،،،،،،،،،،،،،،،،،مجاديف الغرام اللي على بحره تقديني


عليها فوق مافيها جمال ولذة المنطوق
،،،،،،،،،،،،،،،،،،،،،،،،،،،والا عمري عشقت اسمي قبل باسمي تناديني


الا ياسيدة عشقي والا ياعنفوان الذوق
،،،،،،،،،،،،،،،،،،،،،،،،،،،والا ياحلا من احلا مارات واستبصرت عيني


مدامك مستحلة في هواي المركز المرموق
،،،،،،،،،،،،،،،،،،،،،،،،،،،من اللي يستطيع انه هوى مثلك ينسيني


عليك ومنك ماغيرك يشارك حضرتك بالشوق
،،،،،،،،،،،،،،،،،،،،،،،،،،،والا غيرك يموتني هدب عينه ويحييني


عليك اموت وابصوتك وهمسات الحنان افوق
،،،،،،،،،،،،،،،،،،،،،،،،،،،ظماي إلبُعدك وقربك بعد فرقاك يرويني


تخيلت البحر حبك واخذتك للسلامة طوق
،،،،،،،،،،،،،،،،،،،،،،،،،،،والا غيرك بعد ربي من امواجه ينجيني


مثل ماجاك قلبي مالقيتي في دخوله عوق
،،،،،،،،،،،،،،،،،،،،،،،،،،،مثل ماني حويتك سائلك بالله تحويني


تري غصن الغلا يظمى والا يروي ظماه عروق
،،،،،،،،،،،،،،،،،،،،،،،،،،،ليا مني غليت اللي غليته دون يغليني


قبل شمس الغلا تغرب والا بعد الغروب اشروق
،،،،،،،،،،،،،،،،،،،،،،،،،،،بربك كان إلك فيني مودة لاتخليني


مللت ومابقى فيني صبر يابعضي المسروق
،،،،،،،،،،،،،،،،،،،،،،،،،،،مللت وماسواك اللي طلبته يوم ياويني


سماء وصلك بطت مالاح فيها للوصال ابروق
،،،،،،،،،،،،،،،،،،،،،،،،،،،وانا لن جيت اغض الطرف قلبي مايواسيني


تري بالعشق كِلا يامُنى عيني عليه احقوق
،،،،،،،،،،،،،،،،،،،،،،،،،،،مثل مالك عليك ولو لقيت الوصل يكفيني


تعالي واشعلي ضي الامل في قلبي المحروق
،،،،،،،،،،،،،،،،،،،،،،،،،،،قليلك عن كثيرك ياغناة الروح يغنيني


تحياتي وتقديري

توقيع : صـعب المنال

ضامي وله

صـعب المنال