السلام عليكم ورحمة الله وبركاته

مساء الخير


هذي قصص واقعيه واعرفها شخصيا حبيت اقولها لكم لأخذ الحيطه والحذر من اسلحة الصيد


في عام 1412هـ قبل حوالي 15 سنه اوكثر احد الزملاء بالدراسه
كان معه ام صتمه وقام يقلبها شوي ما درى ان فيها رصاصه
الوكاد مدري شلون تعبث فيها والبندق تثور وتصيبه من فوق عينه
مباشره ومن يومها الى يومكم هذا وبعض اعضاء جسمه ما يحركها (
شلل) الله يكفينا الشر .

=================================================

واحد ثاني كان جاي مع احد الاخوان قانصين وكان راكب بالمرتبه
الخلفيه وماسك الخرازه معه والبندق موجهه لكتفه ومن المطبات
بالبر رمت البندق وتصيب يده مع الكتف بس الحمد لله صارت باللحم وطلعت مقابل .


==================================================

واحد ثالث وهذي قبل فتره قريبه وسلاحه شوزل او خرازه الوكاد

كان قانص شمال عن رفحاء يمكن 100 كيلو او اقل المهم ان

الرجال جاء بياخذ البندق بيرمي الا والله ان القدر اسرع من

رميته وهي تثور وتصيبه مع فخذه وقام الدم ينزف بغزاره لدرجة

انه كتب وصيته انه هو اللي رمي نفسه من غير قصد بس الحمد لله

وصل المستشفى وسووا له عمليه عاجله والحين ما به الا العافيه .


================================================== =

احد الاصدقاء المقربين كانوا قانصين ضبان قبل كم سنه وكانت
البندق معه قاله خويه السواق هات البندق هذا الضب بجهتي
برميه قال سم هذي البندق الوكاد اثناء ما عطى خويه البندق
رمت من قدام وجه خويه السواق لانها ما كانت مأمنه . ... المهم
ستر الله عليهم .

وغير هذا المفروض وخاصه الخرازه تعبي المخزن فقط وتخليه برى البندق للأمان

=================================================

المراد من هالقصص يا اخوان ان الواحد ياخذ احتياطه ولا يرمي
الا اذا شاف صيدته فقط ..... وداخل البيت يحرص الواحد انه يبعدها عن الاطفال .

هذا ما حبيت اقوله لكم من باب الحرص على اخواننا القناصيين

والسلام عليكم ورحمة الله وبركاته

توقيع : أبو عبد الله

دعاء الصابرين

الفيفي

أبو عبد الله

اللهم أستر علينا



شكرا على مرورك الطيب

أبو عبد الله

دمت بود أخي المهيب